HISTORIA Exposicións IBEREX

As IBEREX son mostras filatélicas competitivas galaico-portuguesas, sen fins lucrativos, que se veñen  organizando e realizando en estreita colaboración da «Federación Galega de Sociedades Filatélicas» (FEGASOFI) coa “Uniao de Colectividades Filatélicas do Norte de Portugal” (UFINOR), facendo realidade o contido do protocolo cultural de amizade e colaboración filatélica, en igualdade de condicións,  establecido cos irmáns portugueses  asinado en  Barcelos o 3 de maio de 1986, reafirmado en 1995 en Santo Tirso, e redactado e asinado un novo Protocolo o 16 de novembro de 2008 en Cangas do Morrazo, con motivo da XXVI Exposición Filatélica da Federación Galega “EXFIGALICIA 2008” entre galegos e portugueses

Froito deste protocolo, véñense celebrando cada dous anos,  nos dous lados da fronteira, en Galicia e Portugal as mostras filatélicas IBEREX, nas cales participan expositores de toda Galicia e Portugal, estreitando uns lazos culturais dignos de ser destacados e merecentes de acadar o maior apoio, ante os éxitos  acadados na defensa e difusión da nosa cultura galega e portuguesa, gañando asemade, un destacado historial ao traveso do tempo.

 Deica o presente foron realizadas as seguintes IBEREX:

I           IBEREX-PORTO:    13-20 outubro de 1979.

II          IBEREX-VIGO: 11-19 setembro de 1981.

III         IBEREX-CHAVES: 22-30 outubro de 1983.

IV        IBEREX-A CORUÑA: 26 outubro.-3 novembro de 1985.

V         IBEREX-POVOA DE VARZIN:  19-27 outubro de 1987.

VI        IBEREX-SOUTOMAIOR: 11-20 agosto de 1989.

VII       IBEREX-PORTO:  8-17 novembro de 1991.

VIII      IBEREX-OURENSE:  1-9 maio de 1993.

IX        IBEREX-BRAGA:  28 outubro – 4 novembro de 1995.

X         IBEREX-VIGO: 4-12 xullo de 1997.

XI        IBEREX-GUIMARAES:  12-22 abril de 2000.

XII       IBEREX-TUI:  11-19 outubro de 2002

XIII      IBEREX-SANTO TIRSO:  26 nov- 4 decembro de 2003

XIV      IBEREX-VIGO: 4-12 decembro de 2005

XV       IBEREX-BOTICAS:  24 novembro-2 decembro de 2007.

XVI      IBEREX-VIGO: 29 outubro- 6 novembro de 2010

            Nota: Tal como se pode ver na relación, celébrase en Galicia e Portugal de xeito alternativo.

Dada a importancia de que Ourense sexa Capital Cultural do Eixo Atlántico, solicitamos á “Uniáo de Colectividades Filatélicas do Norte de Portugal” (UFINOR) e a Federación Galega de Sociedades Filatélicas (FEGASOFI) o cambio de ubicación do evento, é foi aceptado por considerar ámbalas dúas partes que a Capitalidade Cultural do Eixo Atlántico de Ourense merece  ser resaltada cun evento que une especificamente as localidades abarcadas polo eixo.