Que son as EXFIGALICIA?

As EXFIGALICIA son mostras filatélicas que a Federación Galega de Sociedades Filatélicas FEGASOFI ven organizando e realizando en colaboración coas súas sociedades federadas; do ano 1969 ata 1980 celebráronse anualmente e dende 1982 varía a periodicidade en vilas e cidades de toda Galicia. É a máis importante mostra filatélica competitiva, de carácter autonómico que se celebra en Galicia.

Debido ao protocolo de amizade e colaboración filatélica en igualdade de condicións establecido cos irmáns portugueses da “Uniáo de Colectividades Filatélicas do Norte de Portugal” (UFINOR) asinado en  Barcelos o 3 de maio de 1986, reafirmado en 1995 en Santo Tirso, e redactado e asinado un novo Protocolo o 16 de novembro de 2008 en Cangas do Morrazo, con motivo da XXVI Exposición Filatélica da Federación Galega “EXFIGALICIA 2008” entre galegos e portugueses, na EXFIGALICIA participan coleccionistas dos dous lados da fronteira.

No ano 2016 organízase e celébrase a súa XXVIII edición, no mes de maio en Ourense da man da Sociedade Filatélica, Numismática e Vitolfílica Miño.

Deica ao presente ano foron realizadas as seguintes EXFIGALICIA:

1969 Ponferrada (a solicitude da Casa de Galicia nesa cidade) 07-09 setembro
1970 A Guarda 02-05 agosto
1971 Pontedeume 08-15 agosto
1972 A Coruña 12-20 agosto
1973 Barco de Valdedorras 02-05 agosto
1974 As Pontes 14-21 setembro
1975 Ferrol 7-11 xuño
1976 Vigo 30 outubro-07 novembro
1977 Sada 13-20 agosto
1978 Tui 1-04 abril
1979 Pontedeume 29 xullo-2 agosto
1980 As Pontes 6-11 setembro
1982 Ferrol 17-28 xullo
1984 Pontevedra 10-19 agosto
1986 Vigo 13-21 decembro
1988 Ourense 5-12 novembro
1990 Ferrol 20-30 xullo
1992 Tui 27 xuño-04 xullo
1994 Santiago 14-24 outubro
1996 Tui 10-17 abril
1998 A Guarda 10-16 agosto
2000 Tui 27 abril- 1 maio
2003 Ourense 27 outubro-3 novembro
2004 Tui 16-24 abril
2007 A Guarda 12-20 outubro
2008 Cangas do Morrazo 10-18 outubro
2014 A Guarda 4-12 outubro

 

Anuncios

Los comentarios están cerrados.

A %d blogueros les gusta esto: